До 13 часот во Куманово гласале 23 проценти од граѓаните
Според податоците на Државната изборна комисија во Куманово до 13 часот гласале 23, 08 проценти од обработените 71,81 отсто. Во Куманово право на глас имаат 93.364 гласачи кои гласаат на 167 избирачки места.
Во Липково, како што е наведено на веб страната на ДИК, гласале 16,15 проценти од 99,90 отсто од обработените податоци. Во оваа општина право на глас имаат 25.998 избирачи кои гласаат на 36 места.
- Гласањето е непречено, изјави претседателката на ОИК, Ајше Демири.
Според податоците на ДИК во Старо Нагоричане до 13 часот гласале 22,38 проценти од обработените 99,87 проценти. Таму право на глас имаат 3.043 гласачи кои гласаат на 38 избирачки места од кои две се споени, односно ги опслужуваат 36 избирачки одбори.
- Тековно се спроведува гласањето, рече претседателот на ОИК, Марјан Даиловски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
