Директорот на КПУ Затвор „Скопје-Скопје“ во Шутка, Бобан Утковски, поднел оставка од функцијата, дознава Прес24. Според информациите на Прес24, Утковски ја доставил оставката до Владата, а како причина за повлекувањето од директорската функција навел лични причини. Информацијата за Прес24 ја потврдија и од Владата, од каде посочуваат дека оставката ќе биде разгледувана на една од наредните владини седници.
„Директорот на КПУ Затвор ‘Скопје-Скопје’ во Шутка, Бобан Утковски, има поднесено оставка до Владата, која ќе биде предмет на разгледување на една од наредните седници на Владата. Во оставката е наведено дека причините за нејзиното поднесување се лични причини“, велат од Владата за Прес24.
Засега не е познато кој ќе го наследи Утковски на директорската позиција. Од Владата најавуваат дека по именувањето на неговиот наследник јавноста ќе биде информирана. „По именувањето на нов директор на КПУ Затвор ‘Скопје-Скопје’ во Шутка, јавноста навремено и соодветно ќе биде информирана од страна на Владата“, се наведува во одговорот од Владата