Излезноста на предвремените избори за градоначалник на општина Брвеница до 9 часот утринава изнесува 2,46 отсто. Според податоците на Државната изборна комисија (ДИК), своето право на глас досега го оствариле 400 избирачи.
Портпаролката на ДИК, Радица Тодоровска-Алексовска, посочи дека во споредба со првиот круг од локалните избори во 2025 година, одзивот е намален за 2,87 процентни поени.
„Гласањето започна утрово во 7 часот и засега тече непречено и без некои најави за евентуални проблеми“, изјави Тодоровска-Алексовска на утринската прес-конференција.
Право на глас на овие избори имаат 16.256 граѓани запишани во Избирачкиот список, кои гласаат на вкупно 24 избирачки места.
Од ДИК потсетуваат дека за граѓаните е активна бесплатната телефонска линија 0800 555 44 за информации околу остварувањето на избирачкото право. За лицата со оштетен слух обезбеден е бројот 076 488 360, каде преку видеоповик може да се добијат информации на знаковен јазик.
Во текот на вчерашниот ден, гласале 85 од вкупно 88 пријавени болни и немоќни лица. Од деветте лица запишани во Избирачкиот список кои издржуваат затворска казна или се во притвор, гласале седум минувачи.