Државната изборна комисија, Државната комисија за спречување на корупцијата и Државниот завод за ревизија потпишаа Меморандум за соработка во пресрет на претстојните Локални избори.
Со овој Меморандум трите институции ја зацврстуваат својата определба за непосредна соработка, координација и заемна помош при спроведување на одредбите за финансирање на изборната кампања, размена на информации и податоци, како и навремено постапување по
утврдени неправилности.
Посебен акцент е ставен на транспарентноста во финансирањето на изборната кампања преку редовна размена на финансиски извештаи, како и на заеднички активности за унапредување на почитувањето на изборната регулатива со цел спроведување слободни, фер и демократски избори.
Меморандумот предвидува и меѓусебна соработка во делот на постапување по претставки, приговори и други постапки од заеднички интерес, консултации и размена на искуства, како и создавање и имплементација на заеднички проекти.
Со потпишувањето на овој документ, ДИК, ДКСК и ДЗР испраќаат јасна порака за нивната решителност да обезбедат кредибилен изборен процес и да ја зголемат довербата на граѓаните во институциите и изборите.
Актуелно
- Велика Британија со нов пакет санкции кон Русија
- Адријана Јаневска мета на организиран напад: Пејачката ги демантира гласините за советничките функции
- ФОТО: Патот кон Теферич затворен за сообраќај – бидете внимателни
- ДУИ: За Филков, албанскиот јазик во правосудниот испит „не постои“
- Тетово со нови протоколи по серијата закани за поставени бомби во училиштата
- Стабилизирана е состојбата со приватните превозници во Скопје
- Путин дециден: Русија е непобедлива, непријателот нема шанси
- Го нападнала мечка – заради стравот ќе добие 300.000 денари
ДИК