Денеска е Св. маченик Никифор: „Си ја сфати бедата и побара прошка“

Во третиот век во Антиохија живееја двајца многу блиски пријатели, Саприкиј и Никифор. Но, еден ден тие толку се налутија еден на друг, што не сакаа очи да си видат.

По некое време Никифор ја сфати бедата на лутината и побара прошка од Саприкиј, кој беше свештеник.

Овој не сакаше ни да чуе. Сите молби остануваа попусти. Во тоа време, при едно гонење на христијаните, Саприкиј беше затворен и ставен на маки, зашто не се окажуваше од Христа. Најпосле го осудија и го поведоа кон губилиштето.

По патот Никифор повторно со солзи го молеше да му прости, но на Саприкиј срцето му остана тврдо.

Така и ја изгуби благодатта и на губилиштето се откажа од Христа, а Никифор, гледајќи го тоа, самиот побара и беше погубен наместо него.