Третиот блок на Термоелектраната Битола од синоќа е надвор од функција поради технички проблем. Од АД ЕСМ потврдија дека причина за исклучувањето е скината цевка во сегмент од котелот, по што блокот бил повлечен од мрежа вчера во 18 часот.
За да се одржи стабилноста на производството, веднаш се започнати активности за ставање во функција на Блок 1.
„Се преземаат сите потребни чекори за вклучување на Блок 1, кој се очекува да биде синхронизиран на електроенергетската мрежа уште во текот на денешниот ден“, информираат од државните електрани.