Дачиќ: Загреб одби да го повлече хрватскиот дипломат
Дачиќ нагласи дека Белград го направил тоа затоа што Загреб одбил да го повлече својот дипломат.
Српскиот министер за надворешни работи Ивица Дачиќ вечерва истакна дека Србија прогласила хрватски дипломат за персона нон грата поради грубо кршење на Виенската конвенција и вршење активности што не се работа на дипломат. Тој додаде дека Загреб со докази бил предупреден за неговото однесување и дека ништо не е направено за тоа прашање.
„Тој не е претставник на разузнавачката служба, туку дипломат и не може да се занимава со ништо друго освен со дипломатски работи. Тоа се документирани наоди, докажани тврдења и факти за кои хрватската страна знаела пред одредено време. Како што е очекувано требаше самите да преземат одредени чекори, но не направија“, нагласи Дачиќ на новинарско прашање во врска со коментарите од Загреб дека не добиле објаснување од Белград зошто нивниот дипломат е прогласен за персона нон грата. .
Дачиќ нагласи дека Белград го направил тоа затоа што Загреб одбил да го повлече својот дипломат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
