Во Скопје денеска ќе биде отворен Летниот камп на оперативните сили на Црвениот крст на Република Северна Македонија – Сарај 2026.
Според соопштението на Црвениот крст, на свеченото отворање ќе присуствува и министерот за внатрешни работи Панче Тошковски, кој ќе се обрати пред учесниците и гостите на настанот.
Во рамки на кампот ќе бидат претставени оперативните сили, ресурсите и капацитетите со кои располага Црвениот крст, а ќе биде изведена и симулациска вежба за постапување и координација при катастрофи и вонредни состојби.