Четворица возачи завршија во полициска станица во една ноќ поради возење под тешко пијанство. Акциите се спроведени во Македонска Каменица, Берово, Битола и Струмица, а кај двајца од приведените, алкохолот веќе предизвикал сообраќајни несреќи пред да интервенира полицијата.
Најкритично било во Македонска Каменица и Берово, каде возачи со „Ауди“ и „Пежо“ изгубиле контрола над возилата. Кај нив се измерени над 2 промили алкохол.
Во Битола и на патот Валандово-Дојран, полицијата успеала навреме да исклучи од сообраќај двајца возачи пред да предизвикаат инцидент. Битолчанецот возел со 1,75 промили, додека кај возачот од струмичко Смолари биле измерени 2,06 промили.
По комплетирање на документацијата, против сите ќе бидат поднесени соодветни пријави.
„Лишени од слобода возачи во Македонска Каменица, Берово, Битола и Струмица затоа што управувале возила под дејство на алкохол, возачите од Македонска Каменица и Берово предизвикале и сообраќајни несреќи. По целосно документирање на настаните, ќе бидат поднесени пријави по член 297-а од Кривичниот законик – „безобѕирно управување со моторно возило“, велат од МВР во своето соопштение.