Борисов за трагедијата: Уверен сум дека надлежните институции ќе ги утврдат причините за несреќата!
Лидерот на ГЕРБ Бојко Борисов му изразил сочувство на премиерот Зоран Заев по повод тешката сообраќајна несреќа во која 46 луѓе ги загубија животите.
– Телефонски разговарав со премиерот на Република Северна Македонија Зоран Заев. Изразив сочувство за загинатите граѓани на неговата земја во сообраќајната несреќа на автопатот „Струма“, напиша на Фејсбук Борисов.
Тој изрази уверување дека надлежните институции ќе ги утврдат причините за несреќата.
Борисов исто така го уверил Заев дека настраданите кои се хоспитализирани во болницата „Пирогов“ во Софија ќе ја добијат најквалитетната медицинска нега.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
