Борисов: Гоце Делчев е бугарски револуционер и македонски војвода

 Гоце Делчев е еден од најсилните симболи на нашата заедничка историја со Република Северна Македонија, заедничка историја која е во основата на Договорот за пријателство, добрососедство и соработка од 2017 година, напиша на Фејсбук премиерот во оставка на Бугарија Бојко Борисов по повод 118-годишнината од смртта на Делчев, јави дописникот на МИА од Софија.

– Денеска се одбележуваат 118 години од трагичната смрт на големиот бугарски револуционер и македонски војвода Гоце Делчев, кој го даде својот живот за слободата и автономијата на Македонија и Одриснко. Нека неговата жртва биде пример за нас …, час побрзо да го најдеме вистинскиот пат кон нашата заедничка европска иднина. Вечен му спомен!, наведува Борисов.