Дваесет и четиригодишен жител на тетовското село Палатица предизвикал инцидент во Клиничката болница во Тетово, откако агресивно реагирал кога од него било побарано да плати за медицинска услуга.
Според пријавеното во СВР Тетово, Џ.М. го скршил стаклото од приемниот шалтер, при што тој и двајца вработени во болницата се здобиле со повреди.
На местото интервенирале полициски службеници, но 24-годишникот физички нападнал и еден од нив.
Поради повредите, тој бил пренесен во Комплексот клиники „Мајка Тереза“ во Скопје, каде му била укажана медицинска помош.
Полицијата извршила увид, а по целосното документирање на случајот ќе биде поднесена соодветна пријава.