Во ведра и празнична атмосфера, беровчани денеска масовно го одбележаа Богојавление – Водици. Најмногу среќа во студените води на реката Брегалница имаше Благој Дујовски, кој прв стигна до светиот крст меѓу бројните учесници.
За неговиот подвиг, Општина Берово го награди Благој со вредносен ваучер од 15.000 денари, а дополнителни награди беа обезбедени и од компанијата „Зегин“.
Градоначалникот Петар Ружински упати честитки до Благој и до сите храбри момчиња кои скокнаа во реката, истакнувајќи дека Берово со гордост ја негува оваа вековна православна традиција.