Независниот академски синдикат денеска организира јавна дебата со кандидатите за ректор на Универзитетот „Св. Кирил и Методиј“ – Скопје.
Дебатата ќе се одржи во 18 часот на Институтот за хемија при Природно-математичкиот факултет, а учество се очекува да земат актуелната ректорка проф. д-р Билјана Ангелова и професорот од Машинскиот факултет проф. д-р Дарко Данев.
Целта на дебатата е академската заедница и јавноста да се запознаат со нивните програми, визии и приоритети за развој на универзитетот, при што се очекува фокусот да биде ставен на квалитетот на наставата, научно-истражувачката работа и автономијата на високото образование.
