Бијонсе ја достигна статусот на милијардерка. Форбс објави дека музичарката, продуцентката и претприемачката ја преминала границата од 1 милијарда долари, благодарение на серија успешни турнеи, изданија и деловни потфати.
Бијонсе е само петтиот музичар во друштвото на милијардери, придружувајќи им се на сопругот Џеј-Зи, Тејлор Свифт, Брус Спрингстин и Ријана.
Нејзината светска турнеја „Ренесанс“ во 2023 година заработи близу 600 милиони долари, што ја прави една од турнеите со најголема заработка на сите времиња. Во 2024 година, албумот „Каубој Картер“ и последователната турнеја донесоа повеќе од 400 милиони долари од продажба на билети, плус дополнителни 50 милиони долари од стока на концерти, според Форбс и Полстар.
Во центарот на финансискиот успех на Бијонсе е компанијата „Парквуд Ентертејнмент“, основана во 2010 година. Парквуд го надгледува речиси секој аспект од нејзината кариера — од музика и турнеи до филмски и бренд партнерства. Со финансирање и продуцирање на сопствени проекти, Бијонсе ја задржува сопственоста врз својот каталог и обезбедува поголем дел од профитот.
Во видео од 2013 година, промовирајќи го својот истоимен албум, Бијонсе објасни дека сака да го следи примерот на уметниците кои градат независни империи, наместо да се потпираат на надворешен менаџмент.