Бајден воведува нови санкции против Лукашенко
Американскиот претседател Џо Бајден денеска потпиша извршна наредба со која се воведуваат нови санкции против режимот на белорускиот претседател Александар Лукашенко, додека Соединетите држави го зајакнуваат притисокот врз неговата влада во координирана акција со Обединетото Кралство и Канада.
Таквата одлука е донесена откако белоруската спринтерка Кристина Тимановскаја за време на олимпијадата во Токио одби да се врати во Белорусија Оттогаш, таа побара бегалски статус во Полска.
Западните влади се обидоа да го зголемат притисокот врз Лукашенко, кој е обвинет за лажирање на изборите во август 2020 година и за сузбивање на опозицијата и протестите против неговото владеење кое трае 27 години. Лукашенко негираше дека изборите биле наместени.
Десетици илјади луѓе излегоа на улица по изборите, на што властите одговорија со бројни апсења на противниците. Многумина од нив беа принудени да заминат во егзил во странство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
