Бајден веднаш се фати за работа: Кои се неговите први потези?
Џо Бајден, неговиот номиниран кабинет и неговиот преоден тим сигнализираа обемна листа на активности што 46-от претседател на Соединетите Држави планира да ги преземе во првите часови по инаугурацијата на 20 јануари.
Откако водеше кампања за спротивставување на четиригодишната агенда на Доналд Трамп и неговите републикански сојузници, долгогодишниот демократски сенатор и поранешен потпретседател се очекува да потпише повеќе од десетина извршни активности за започнување на брзо напуштање на политиката на неговиот претходник.
Големиот број потписи – во форма на извршни наредби, меморандуми и директиви се во функција на напуштање на некои од политиките на Трамп.
Тие меѓу другото се однесуваат на националниот одговор на пандемијата на ковид 19, енергетиката, животната средина, серија забрани за патувања насочени главно кон муслимански земји и напорите на Трамп за изградба на граничен ѕид меѓу САД и Мексико
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
