Бајден по убиството на лидерот на Хамас: Ова е добар ден за цел свет

Ова е добар ден за Израел, за САД и за светот, стои во изјавата на американскиот претседател Џо Бајден, по информацијата дека е мртов Јахја Синвар, лидерот на палестинското движење Хамас, поддржано од Иран, а кое САД и Европската унија го прогласија за терористичка организација.

„Како лидер на терористичката група Хамас, Синвар беше одговорен за смртта на илјадници Израелци, Палестинци, Американци и граѓани од над 30 земји. Тој беше мозокот на масакрите, силувањата и киднапирањата на 7-ми октомври“, се вели во официјалната изјавата од Белата куќа.