Во тешка сообраќајна несреќа што попладнево се случи во централниот дел на Стокхолм, автобус удри во автобуско стојалиште, при што животот го загубија повеќе лица, а има и повредени, соопшти шведската полиција.
Инцидентот се случил околу 15 часот на улицата Валхалавеген, една од главните градски сообраќајници во шведската престолнина. Полицијата соопшти дека случајот е класифициран како тешко убиство од небрежност и дека истрагата е во тек. Поради безбедносни причини, засега не се открива точниот број на загинати, ниту нивните идентитети.
Надлежните најавија дека повеќе информации ќе бидат објавени по завршување на првичните истражни постапки.