Австралиски медиуми: Ѓоковиќ утре ќе биде депортиран

Новак Ѓоковиќ утре пак ќе ја загуби својата виза за влез во Австралија и ќе биде депортиран, тврди австралискиот весник „Сатурдеј пејпер“ додавајќи дека министерот за имиграции, Алекс Хоук, веќе ја направил одлуката, што ќе биде уште еден пресврт во сагата со српскиот светски број 1.

„Слушам дека Алекс Хоук утре ќе го исклоца Џокерот“, напиша новинарот на „Сатурдеј пејпер“, Пол Бонџорно, познат како човек со врски во австралиската влада.

На Ѓоковиќ првично не му беше дозволен влез во Австралија откако му ја повлекоа визата по неколку часа сослушување, но тој реши да остане во Мелбурн (каде што пет дена беше сместен во хотел за имигранти) и во понеделникот ја доби судската одлука дека поништувањето на визата било непрописно.

Оттогаш 20-кратниот гренд слем шампион почна со тренинзи на „Мелбурн парк“, каде што треба да оди на 10-та титула, но по големиот број контрадикторни информации за неговиот позитивен тест на Коовид-19 во декември, почна нова истрага за случајот.

13.01.2022 - 10:06

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа