Две автоматски пушки, речиси 1.400 куршуми, делови од рачна бомба и 488 стебла канабис пронајде полицијата при претрес во поранешен угостителски објект во селото Мешеишта, општина Дебрца.
Во врска со пронајдениот арсенал и дрога, уапсен е 48-годишниот Г.М. од охридското село Подмољје, кој го користел објектот.
„На 31.10.2025, полициски службеници од криминалистичката полиција при СВR Охрид го лишија од слобода Г.М.(48) од селото Подмољје, охридско. При претрес во поранешен угостителски објект во селото Мешеишта, општина Дебрца, кој го користел Г.М., извршен со судска нредба, пронајдени и одземени се вкупно 1357 парчиња муниција различен калибар, 488 стебла од растението Канабис, еден сандак со куршуми калибар 7,62 милиметри, два стари револвери, еден пиштол „VZOR“ калибар 7,65 милиметри, две автоматски пушки, еден тромблонски држач, едно тело и една иницијална каписла од рачна бомба, пакување со црна грутчеста материја, ќеса со кафеава прашкаста материја и други предмети кои нелегално ги поседувал. Лицето е задржано во полициска станица и по целосно документирање на случајот, против него ќе биде поднесена соодветна пријава.“, велат од МВР.
