Две лица на возраст од 28 и 31 години се приведени откако полицијата извршила претрес во дом и простории што ги користеле двајцата. Полицијата пронашла кокаин, марихуана и пушка.
Од Министерството за внатрешни работи соопштуваат како течела акцијата на терен каде првично бил фрлен дел од доказниот материјал.
„При преземање марки и активности по претходно изготвен план, полициските службеници се обиделе да сопрат патничко возило „фолксваген“ со винички регистарски ознаки, кое К.С го управувал, а М.С. бил сопатник, при што од возилото бил фрлен кокаин.“
Потоа, во текот на следниот ден, полицијата извршила и дополнителен претрес во објектите кои ги користеле приведените каде биле пронајдени недозволени супстанции и оружје.
„На 12.07.2026 во 07:10 часот во с.Јакимово, виничко, полициски службеници од НККР Виница, врз основа на наредба од Основен суд Виница, извршиле претрес во домот и простории што ги користеле К.С. и М.С., при што биле пронајдени и одземени кокаин, канабис, дробилка со остатоци од канабис, пушка „валтер“ со калибар 4,5 мм, пари и други предмети кои потекнуваат од кривично дело.“
По комплетирање на полициската акција, за случајот веднаш била отворена соодветна правна процедура пред надлежните правосудни органи.
„Против лицата е поднесена кривична пријава за постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“, по што се спроведени пред на судија на претходна постапка во Основен суд Кочани, кој им изрекол мерка притвор.“