Антонов: Новата помош за Украина го зголемува ризикот за судир меѓу Русија и Западот
Рускиот амбасадор во САД, Анатолиј Антонов изјави дека одлуката на Вашингтон да испрати поголема воена помош за Украина ги загрозува интересите на Москва и го зголемува ризикот од воен конфликт меѓу Русија и Западот.
„ Ова го доживуваме како непосредна закана за стратешките интереси на нашата земја. Снабдувањето со воени производи од страна на САД и нивните сојузници не само што повлекува продолжено крвопролевање и нови жртви, туку и ја зголемува опасноста од директен воен конфликт меѓу Русија и западните земји“, рече тој.
Американскиот претседател Џо Бајден му рекол на украинскиот претседател Володимир Зеленски дека Вашингтон ќе му обезбеди на Киев воена помош од 625 милиони долари, вклучително и фрлачи за артилерискиот ракетен систем со висока мобилност (Химарс), објави синоќа Белата куќа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа