Анкета на ИПИС: Криминалот и корупцијата се најголем проблем со кој се соочува Македонија
Криминалот и корупцијата се најголем проблем со кој се соочува Македонија, сметаат граѓаните, покажува најновата анкета на ИПИС.
На прашањето: Според Вас кој е најголемиот проблем со кој се соочува Македонија и Владата мора веднаш да го решава? 37,5 проценти од испитаниците одговориле дека тоа е криминалот и корупцијата. 19,7 отсто пак, сметаат дека тоа е економијата и животниот стандард. Потоа следуваат невработеноста, високи цени, квалитет во образование, здравство…
Најновата анкета на ИПИС, беше направена преку телефон во периодот од 9-ти до 13 октомври на 1500 испитаници и теренски од 1-ви до 20 октомври на 1005 испитаници.
Информациите од неа ги пренесе премиерот Христијан Мицкоски на првиот брифинг со новинарите по стартот на новата влада.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
