Андреј Пленковиќ и уште двајца хрватски функционери примија вакцина од „Астразенека“ (ВИДЕО)

Премиерот Андреј Пленковиќ, министерот за здравство Вили Берош и претседателот на парламентот Гордан Јандроковиќ денеска примија вакцина на „Астразенека“ против коронавирус.

Пленковиќ, Берош и Јандроковиќ вакцината ја примија пред камери со цел да ги убедат граѓаните дека нема причина за недоверба во таа вакцина и дека е добра како и секоја друга.

По некои смртни случаи поврзани со имунизација од „Астразенека“ во Европа, Европската агенција за лекови ги испита настаните и откри дека вакцината од „Астразенека“ е безбедна и ефикасна и дека не е поврзана со згрутчување на крвта.

Британскиот премиер Борис Џонсон, целиот словенечки државен врв, како и истакнатиот хрватски научник Иван Џикиќ од Гете институтот во Германија беа вакцинирани со вакцина од „Астразенека“.

Макфакс

 

 

 

Добивајте вести на Viber

24.03.2021 - 10:23

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега