Алтернатива: Шпенд Тахири е протагонист на откривање на бегството од затворот во Идризово

„Вчерашната акција во затворот во Идризово, што резултираше со откривање на еден тунел кој бил ископан долго време за бегство на затворениците, е токму резултат на ангажманот на директорот на Алтернатива таму, Шпенд Тахири. Затоа, да се каже дека директорот на затворот Идризово е сменет како казна не само што е недолично, туку е и неблагодарно кон човекот кој до последниот ден на својата работа работел без ниту една афера и без ниту едно обвинение од никого за неговата коректна работа. За жал, повеќе благодарни за неговата работа се нашите меѓународни пријатели отколку нашите државни институции“. Вакви пораки испраќаат од Алтернатива во врска со разрешениот директор на затворот во Идризово, во текот на вчерашниот ден од страна на премиерот Ковачевски, по откриен ископан тунел во затворот од затвореници кои биле осудени на доживотна затворска казна.

„Како и да е, токму благодарение на совесното менаџирање на затворската институција од страна на Шпенд Таири беа откриени, фатени и санкционирани безброј обиди за бегства и внесување на наркотични средства во затворскиот круг, вклучително и овој последниот, кој е круна на неговиот успех. Всушност, ова акција во Идризово се подготвувал подолго време и ќе биде запишана како историски успех на директорот на затворот во Идризово.

За жал, Министерството за внатрешни работи се кити со туѓи перја – сака да придобие од работата на некого кој и со жртвување на својот и животот на своето семејство работел достоинствено и со најголема професионална совест во институција која можеби е најтешка за менаџирање во државата.

За информација на јавноста, Шпенд Тахири е сменет само заради тоа што  бил кадар на АлтернАтивА. Но, се чини, дека нарцисите од династијата на ДУИ и недостојните за договори од СДСМ, очигледно се алергични на критики“, велат од Алтернатива.

„Но, сакаме да потсетиме дека Шпенд не е виновен што овие две партии ги уживаат последните денови на својата власт и ова состојба на паника ги тера да реагираат на штета на државните интереси. Веќе видено очајно сценарио на политички губитници“, додаваат од Алтернатива.