Претседателот на Социјалдемократскиот сојуз на Македонија, д-р Венко Филипче, на граѓанската трибина на СДСМ и Коалицијата „Се бориме за нашиот дом“ во општина Карпош, порача дека ароганцијата на власта не може да трае бесконечно, бидејќи народот не заборава, граѓаните не се наивни и веќе ја препознаваат вистината.
„Македонија веќе се буди. Луѓето почнуваат да разбираат дека ова не е влада на народот, туку влада над народот”, рече д-р Филипче.
Тој нагласи дека граѓаните ги препознаваат лагите и манипулациите на ВМРО-ДОМНЕ и кај нив се буди чувство за промени.
„И секојдневно расте чувството дека е време нешто да се промени, не само на избори, туку во начинот на размислување, во начинот на политичко дејствување”, истакна д-р Филипче.
Филипче потенцираше дека денес имаме власт која не ја води државата, туку ја режира.
„Сè е претворено во настап, во шоу, во перформанс без никаква содржина и суштина. Нека каже Мицкоски еден реален проект или политика со која направи нешто добро за луѓето. Нека каже само еден – нема таков”, нагласи д-р Филипче, додавајќи дека освен што се сликаат со проектите од СДСМ, завршени патишта 90%, ништо друго не направија.
Лидерот на СДСМ, д-р Филипче, на граѓанската трибина рече дека СДСМ секогаш ја третирале државата како заеднички дом, а не како ВМРО-ДПМНЕ што ја третираат, „како Белата палата, своја зграда изградена од криминал”.