Едно лице го загуби животот, а друго е повредено во тешка сообраќајна несреќа што се случила утринава на магистралниот пат Струмица – Радовиш, соопшти Министерството за внатрешни работи.
Според полициските информации, несреќата се случила на 25.10.2026 година, околу 02:00 часот, во близина на струмичкото село Радичево, општина Василево. Во судирот учествувале патничко возило „пежо“ со радовишки регистарски ознаки, управувано од 19-годишниот Н.В. од селото Злеово, и патничко возило „мицубиши“ со струмички регистарски ознаки, управувано од 58-годишниот Р.С. од селото Добрејци.
Од силата на ударот, возачот на „мицубиши“-то, Р.С., здобил фатални повреди и починал на самото место на несреќата, а смртта била констатирана од лекар од Итната медицинска помош. Во несреќата со телесни повреди се здобил и сопатникот од истото возило, 36-годишниот Д.А. од селото Дабиле.
Увид на местото на настанот извршиле јавен обвинител и екипа од СВР Струмица. При контролата било утврдено дека младиот возач ко го управувало „пежото“ било под дејство на алкохол, односно му биле измерени 1,32 промили алкохол во крвта. Поради тоа, тој веднаш е лишен од слобода и задржан во полициска станица.
По наредба на јавен обвинител, телото на починатиот е предадено на обдукција, а надлежните институции продолжуваат со расчистување на сите детали околу трагичниот настанот.