Најмалку 18 ученици и еден наставник загинаа откако се урна покрив на училиште во северозападниот пакистански град Пешавар, изјавија властите за Би-Би-Си.
Уште 40 лица се повредени во несреќата, од кои некои се наоѓаат во критична здравствена состојба.
Несреќата се случила во четврток наутро за време на наставата, а локалните служби стравуваат дека под урнатините сè уште има заробени деца.
Сите ученици кои ги загубија животите биле на возраст помлада од 13 години, потврди Мухамед Асим, портпарол на болницата „Лејди Риџ“ во Пешавар.
Спасувачките екипи се на терен и го пребаруваат теренот за пронаоѓање на преживеани.