Авион на „Меса ерлајнс“, кој сообраќал на релација од Хјустон до Ел Пасо за потребите на „Јунајтед ерлајнс“, морал итно да се врати на почетниот аеродром поради пукнатина на ветробранското стакло во пилотската кабина непосредно по полетувањето.
Инцидентот се случил на недела, кога летулото полетало околу 12:20 часот, а се вратило на меѓународниот аеродром „Џорџ Буш“ во Хјустон околу 13:00 часот. Од авиокомпанијата потврдија дека сите патници и членови на екипажот слетале безбедно и дека нема повредени.
– Страничкото ветробранско стакло на копилотот пукна кратко по полетувањето. Иако немаше губење на притисокот во кабината, стандардна процедура е во такви случаи да се врати авионот на аеродромот, изјави портпаролот на „Меса ерлајнс“ за Си-Ен-Ен.
Дека притисокот во кабината бил стабилен потврдува и комуникацијата со контролата на летот. По слетувањето, противпожарната служба извршила проверка и утврдила дека немало непосредна опасност.
Патниците подоцна биле префрлени во друг авион со кој успешно го завршиле патувањето до Ел Пасо.