Жителите на одделни делови од општините Аеродром и Центар денеска ќе имаат прекин во снабдувањето со електрична енергија поради планирани зафати на дистрибутивната мрежа, информираат од ЕВН Македонија АД.
Во Аеродром, прекинот е предвиден во периодот од 8 до 14 часот. Без електрична енергија ќе останат дел од корисниците на улицата „Тодор Чангов“, спроти ресторанот „Рагуза“, како и корисници од улицата „Бранко Гапо“ и крак 17 на улицата „Тодор Чангов“.
Во општина Центар, планираниот прекин ќе започне во 8:30 часот и ќе трае до 14 часот.
Во тој период без струја ќе бидат делови од улицата „1732“ во Градскиот парк, поточно просторот околу тениското игралиште „Југ“, објектот на КК „Работнички“, како и угостителските објекти „Уранија“, „Маракана“ и „Вршац“.
Од ЕВН посочуваат дека прекините се дел од планираните активности за интервенции и одржување на електродистрибутивната мрежа.