Судскиот буџетски совет денеска ќе ја одржи 275. седница, на која на дневен ред ќе биде предлог-буџетот на судската власт за 2027 година, како и одлуката за обезбедување средства за исплата на додатоци на плата за август 2026 година, за која е доставен и предлог.
На седницата ќе се разгледува Предлог-буџетот за раздел 29010 – Судска власт за 2027 година. Членовите на Советот ќе расправаат и за барањето на Основниот суд во Гостивар за обезбедување дополнителни средства, како и за информацијата во врска со барањата доставени од судовите за обезбедување средства за исплата на бонус-плата врз основа на оценувањето на судските службеници.
На дневен ред е и известувањето и барањето за мислење по предмет од Основниот суд во Куманово.