Центарот за развој на Југоисточниот плански регион информира дека на 27 и 31 август ќе се спроведе дезинсекција за контрола на популацијата на комарци во пет општини.
На 27 август ќе се третираат подрачјата на Босилово, Ново Село и Струмица, додека на 31 август активностите ќе се спроведуваат во Василево и Валандово.
Третманот ќе опфати ларвицидна и адултицидна дезинсекција, со цел намалување на бројот на комарци и преземање превентивни мерки за заштита на јавното здравје.
Од Центарот информираат дека доколку временските услови не дозволат третманите да се реализираат во предвидените термини, активностите ќе бидат презакажани за првиот нареден поволен период.