На плажата во Стон, во јужниот дел на Хрватска, денеска е регистрирано фекално загадување на морето, соопштија локалните власти.
Поради влошениот квалитет на водата, надлежните упатија апел до граѓаните и туристите да не влегуваат во морето сè до добивање нови резултати од анализите.
Според соопштението на Дубровничко-неретванската жупанија, при редовното испитување на квалитетот на морската вода било утврдено зголемено присуство на бактеријата Ешерихија коли (Escherichia coli).
Оваа конзистенција, како што се наведува, укажува на краткотрајно фекално загадување на локацијата.
Лабораториските анализи биле спроведени од страна на Институтот за јавно здравје на Дубровничко-неретванската жупанија.
Од Институтот соопштија дека измерените вредности ја надминуваат дозволената граница за безбедно капење.
Надлежните служби најавија дека ќе продолжат со повторно земање мостри од морската вода сè додека не се потврди дека загадувањето е целосно отстрането.
За целиот случај веќе се известени Инспекторатот за заштита на животната средина и другите надлежни инспекциски служби, кои ќе ги преземат потребните мерки за утврдување на причините за загадувањето.