Македонскиот шоумен Игор Џамбазов на социјалната мрежа Инстаграм се прости од македонскиот пејач и музичар, Владо Јаневски, кој почина на 66-годишна возраст по кратко боледување.
-Збогум Владо…
Понекогаш зборовите не се доволни.
А понекогаш се излишни.
Слава ти!
И ти благодарам за се’ што направи…, напиша Џамбазов.
Македонската музичка сцена вчера изгуби едно од своите најголеми и најпрепознатливи имиња. По кратко боледување, на 66-годишна возраст почина познатиот музичар и пејач кој себе остави богата музичка кариера со безброј хитови кои ја одбележаа македонската поп-музика во изминатите неколку децении.
Тој важеше за еден од најдобрите кантавтори и вокалисти на овие простори, чии рефрени се пеат од многу генерации.