УХМР ги измери температурите во осум часот во градовите низ Македонија. Утринава мерните станици на УХМР покажаа дека најниска температура од 14 степени има во Берово, додека најтопло е во Скопје и Гевгелија со 25 степени во 8 часот.
Нестабилно време со врнежи, грмежи и засилен ветер се очекува денеска низ земјава поради влијание на циклон од југоисточниот дел на Балканот.
Според прогнозата на Управата за хидрометеоролошки работи, на повеќе места ќе има дожд и електрични празнења, а локално се можни и поинтензивни атмосферски процеси проследени со обилни врнежи, силни налети на ветер и појава на град.
Утринските температури ќе се движат меѓу 14 и 20 степени, додека дневните ќе достигнат од 27 до 35 степени Целзиусови.