Македонски државјанин е главен осомничен за убиството на 45-годишна жена во близина на Ханија, на грчкиот остров Крит. Според грчките медиуми, се работи Ставрула Левендаки, каде Македонскиот државјанин живеел како потстанар. Таа била пријавена за исчезнала на 30 мај.
Четириесет и тригодишниот македонски државјанин, кој го изнајмувал нејзиниот имот, признал дека ја убил Ставрула Левендаки. По убиството, според досегашните информации, тој го ставил нејзиното тело во вреќа, го превезол со автомобил и го закопал во нива на околу пет километри од куќата.
Според првичните наоди, жената имала повреди во пределот на градниот кош и удар во главата, најверојатно нанесен со железен предмет.
Осомничениот наводно изјавил дека се скарал со жената поради штета што ја предизвикал во куќата. Според неговото тврдење, за време на расправијата дошло до напад, по што таа починала.
Полицијата од Одделот за борба против криминал и расветлување кривични дела во Ханија успеала да добие признание од осомничениот. Според информациите, тој детално им објаснил на истражителите што се случило утрото на 30 мај и им го покажал местото каде што било скриено телото на 45-годишната Ставрула Левендаки.