Голема драма се одвивала на познатата плажа во местото Неи Пори во Грција, каде 70-годишен турист од Македонија за малку ќе го загубел животот додека се капел во морето, пренесуваат грчките медиуми.
Според првичните информации, мажот ненадејно ја изгубил свеста додека бил во водата.
За среќа, дежурниот спасувач навреме ја забележал опасната ситуација на терен и веднаш интервенирал.
Тој успеал брзо да го извлече македонскиот турист од морето пред да биде предоцна за неговиот живот.
Благодарение на оваа брза реакција на спасувачките служби, на плажата не било потребно да се изведува класична кардиопулмонална реанимација.
Откако бил извлечен на брегот, на 70-годишникот веднаш му бил обезбеден кислород, по што тој покажал знаци на закрепнување и успеал да се освести.
Грчкиот портал „Прототема“ објави и фотографија на која се гледа дел од спасувачката акција и грижата што му била укажана на македонскиот државјанин непосредно по инцидентот.
По укажаната прва помош на плажата и дополнителните лекарски прегледи, туристот бил задржан во болница на понатамошно набљудување.
По два дена хоспитализација, неговата здравствена состојба била целосно стабилизирана, по што лекарите го пуштиле на домашно лекување.