За сите кои планираат одмор на грчките плажи, важно е да бидат запознаени со сообраќајните правила што важат во Грција, бидејќи нивното непочитување може да резултира со високи парични казни и дополнителни санкции.
Меѓу најстрого санкционираните прекршоци се поминувањето на црвено светло и непочитувањето на сообраќајниот знак „СТОП“.
Поминување на црвено светло се казнува со 700 евра, одземање на возачка дозвола во траење од 60 дена и одземање на регистарски таблички на 20 дена.
Непочитување на знак „СТОП“ се санкционира со парична казна од 700 евра.
Користење мобилен телефон без hands-free уред се казнува со 350 евра и одземање на возачка дозвола на 30 дена.
Според најавите, од 2026 година за трето повторување на ист сообраќаен прекршок е можно одземање на возачката дозвола во траење до осум години.