На платото на кампусот на Универзитетот „Свети Кирил и Методиј“ во Скопје денеска ќе се одржи свеченост по повод одбележувањето на 77-годишнината од основањето на Универзитетот и патрониот празник – 24 Мај. Годишнината на најстариот универзитет во земјава ќе биде одбележана со серија традиционални активности, доделување студентски признанија и културна програма.
Активностите во рамките на празникот ќе почнат со положување цвеќе на споменикот на светите Кирил и Методиј, по што во свечената аула на ректоратот ќе се обрати ректорката на Универзитетот, проф. д-р Биљана Ангелова.
Како дел од програмата, ќе бидат доделени награди на најдобро дипломираните студенти за учебната 2024/2025 година, како и наградата „26 Јули“ која се доделува од средствата на Фондацијата „Франк Манинг“ за учебната 2024/2025 година. За присутните на свеченоста е најавена и уметничка програма, како и разгледување на изложбата на графичката мапа и нејзината постојана поставка „Ѕид на креативна азбука“.