Тензиите меѓу Иран и САД достигнуваат точка на вриење. Претседателот на иранскиот парламент, Мохамед Багер Галибаф, упати сериозно предупредување преку платформата Х, истакнувајќи дека вооружените сили на земјата се целосно подготвени „да дадат заслужен одговор на секоја агресија“.
Оваа жестока реакција на Техеран доаѓа како одговор на контрадикторните изјави на американскиот претседател Доналд Трамп, кој прво спомена дека примирјето со Иран е „на карти“, но веднаш потоа упати нови закани.
„Нашите вооружени сили се подготвени да дадат заслужен одговор на секоја агресија; погрешната стратегија и погрешните одлуки секогаш ќе доведат до погрешни резултати – целиот свет веќе го разбра тоа“, дециден е Галибаф.
Ситуацијата дополнително се вжештува по најавата на Трамп за состанок на државниот врв, каде на маса е и воена акција – нов напад врз Иран. Додека светот стравува од воен конфликт, Вашингтон продолжува со економски притисок и воведе нов пакет санкции насочени кон Техеран, кои опфаќаат три лица и повеќе компании, меѓу кои и некои регистрирани во Хонг Конг.