Македонската спортска јавност денеска е во жалост. По кратко боледување, почина Љупчо Јаневски, поранешен ракометен судија и истакнат делегат-контролор.
Јаневски зад себе остави значаен белег во македонскиот ракомет, а во спортските кругови ќе остане запаметен како човек со висока професионалност и искрена посветеност кон својата работа на терените. Неговото заминување е голема загуба за ракометната заедница, која ги почитуваше неговите долгогодишни напори за развој и унапредување на судиската и делегатската работа.
По повод оваа тажна вест, Ракометната федерација на Македонија (РФМ) упати последен поздрав до Јаневски, изразувајќи длабоко и искрено сочувство до неговото семејство и најблиските.