Управата за хидрометеоролошки работи (УХМР) најавува променливо облачно време со сончеви периоди за денешниот ден. Сепак, граѓаните треба да бидат подготвени за промени, бидејќи попладне и во текот на ноќта во јужните и во западните делови од државата се очекуваат локални врнежи од дожд.
Денешниот ден ќе биде одбележан и со умерен, а наместа долж Повардарието и засилен ветер од југоисточен правец кој ќе достигнува брзина над 60 километри на час. Максималната дневна температура ќе се движи во интервал од 17 до 22 степени Целзиусови.
Слична метеоролошка слика се очекува и во главниот град. Во Скопје ќе преовладува променливо облачно време,проследено со умерен до засилен југоисточен ветер, додека максималната температура ќе се искачи до пријатни 21 степен.
Според најавите од синоптичарите, во следните денови следува период на релативно топло, но нестабилно време.Веќе утре наместа ќе има услови за слаб дожд, додека вистинска дестабилизација се очекува в четврток кога ќе има појава на локален пороен дожд проследен со ретки грмежи. Југоисточниот ветер ќе се задржи до петок, а за време на викендот ќе го смени својот правец во северен, со умерен интензитет.