Ако најдат барем еден мигрант кој што е резултат на некаков договор со Британија или било каков друг договор, јас засекогаш ќе си заминам од политиката. Премиерот Мицкоски денеска уште еднаш ги демантираше наводите дека Македонија ќе прими мигранти од Британија.
Тој потенцираше дека е подготвен засекогаш за си замине доколку се испостави дека Македонија ќе прими мигранти, но доколку тоа не се случи, побара од опозицискиот лидер Филипче јавно да му се извини.
„Бидејќи го спомна пролет. Оставам простор до пролет. Венко Филипче заедно со професорот Фрчковски заедно со Андреј Жерновски да бараат низ Македонија и да најдат мигрант којшто е дел од овој договор со Велика Британија или било каков договор којшто сме го преземале.
И ако најдат еден. Јас трајно ја напуштам политиката. Во спротивно, они да ми се извинат на мене и на граѓаните што шираат паника без потреба. Мислам дека е фер. Еве, ова јас го давам како понуда. Мислам, ова ќе важи бесконечно.
Додека сум реков јас, претседател на владата, но бидејќи тој ја спомнав пролет сме сакале предвремени избори, па не споредуваше со некои соседни земји и така натаму. Еве, јас велам вака нека земат тројцата, нека шетаат колку сакаат низ Македонија и ако најдат еден, којшто е резултат на овој договор или било кој договор којшто ќе го преземе оваа Влада, јас сум подготвен трајно да ја напуштам политиката.
Во спротивно, очекувам тројцата да излезат и да се извинат.“ – рече Мицкоски