125 компании сѐ уште не исплатиле плати за мај, април и јуни
125 компании сѐ уште не ги исплатиле платите за мај, април и јуни, информираше денеска директорката на Управата за јавни приходи, Сања Лукаревска.
Овие компании и кривично ќе одговараат поради неисплаќањето на своите работници.
-За овие работодавачи доставени се детални податоци во Јавното обвинителство за покренување на кривична постапка, рече Лукаревска.
Спроведена е и присилно наплата, со што е намален бројот на ваквите компании.
-Со состојба на 31.12.2020 година платата сѐ уште не е исплатена. И тоа – априлската плата од 50 компании за 108 вработени, платата за месец мај од страна на 38 компании за 66 вработени лица, а платата за месец јуни не ја платиле 64 компании за 160 вработени лица, рече Лукаревска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа