Жена која беше тешко повредена во руски дронски напад врз Киев на 23 декември, им подлегна на повредите во болница, соопшти Канцеларијата на градскиот обвинител, а информацијата ја пренесе украинскиот медиум Ukrainska Pravda.
Од обвинителството појаснуваат дека жртвата се здобила со сериозни повреди на главата од гелери, откако дрон погодил подрачје во Свјатошинскиот округ. Таа била пренесена во болница во критична состојба, но и покрај напорите на лекарите, починала од последиците на повредите.
За време на утринскиот напад на 23 декември, остатоци од соборен дрон паднале во близина на станбена зграда во истиот округ. Тогаш властите соопштија дека биле повредени пет лица, меѓу кои и едно дете, при што една од повредените лица била во животозагрозувачка состојба.
Нападите со беспилотни летала врз украинските градови продолжуваат и понатаму, додека војната во Украина влегува во нова, неизвесна фаза.