Жена осудена на една година затвор во Кина – ги криела симптомите пред да се качи во авион
Жена од Кина е осудена на една година затвор за прикривање на симптомите на коронавирусот пред да се качи во авион на меѓународен лет.
Според „Глобал тајмс“, 37-годишната жена во март минатата година земала лекови за да ја намали температурата и да ги прикрие симптомите на коронавирус, пред да се качи на летот од САД кон Кина.
Симптомите ги открила дури откако слетала во Пекинг, кога направила тест кој покажал дека е позитивна на коровавирус, а поради неа 63 лица биле ставени во карантин.
Во октомври минатата година, Народниот суд во Пекинг го оцени нејзиното однесување како кршење на кинеските правила и оцени дека таа претставувала сериозен ризик од ширење на вирусот.
Жената е осудена на една година затвор и една година условна казна за кривично дело попречување на превенција на заразни болести.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа