Збогум Фаучи

Д-р Ентони Фаучи, американскиот здравствен службеник, го искористи својот последен брифинг во Белата куќа да ја осуди поделбата и да ги промовира повторно вакцините.

Фаучи, кој планира набргу да се пензионира како врвен медицински советник на претседателот Џо Бајден и главен функционер за заразни болести на САД, се занимаваше со трнливите прашања во врска со здравствените кризи, од сида до птичји грип и ебола.

Фаучи го искористи последниот брифинг за печатот за силно да ги охрабри Американците да примат вакцини против Ковид-19, како и засилувачи, и ја промовира ефикасноста на маските, пренесе „Гласот на Америка“.

Соединетите Американски Држави водат во светот по регистрирани смртни случаи од Ковид-19 со повеќе од еден милион лица.

По 13 милијарди дози вакцини против Ковид-19 дадени во светот, рече Фаучи, постои „јасно опширно тело на информации“, што укажува дека тие се безбедни.

Фаучи се повлекува во декември по 54 години јавна служба. 81-годишникот е на чело на Националниот институт за алергија и заразни болести на САД, дел од Националниот институт за здравје, од 1984 година.

Ветеранот имунолог служеше како советник на седум американски претседатели, почнувајќи од републиканецот Роналд Реган.

Фаучи планира да се пензионира до крајот на мандатот на американскиот претседател Бајден.