Захарова: САД ги „туркаат“ Шведска и Финска во НАТО

Со туркањето на Финска и Шведска да влезат во НАТО, САД и даваат одврзани раце на Русија, изјави денеска портпаролката на Министерството за надворешни работи на Русија, Марија Захарова, пренесуваат руските агенции.

„Фактот што Финска и Шведска сега работат под притисок на Вашингтон, но не нивните народи, туку нивните политички сили, и дава одврзани раце на Русија“, изјавила Захарова, пренесува Спутник.

Таа додала дека мора да го имаат на ум тоа следниот пат кога ќе измислат уште една руска закана за безбедноста на храната и енергијата.

Претходно денеска, претседателот на финскиот парламент, Мати Ванханен, изјави дека парламентот го одобрил барањето на Финска за членство во НАТО, објавија медиумите во светот.

17.05.2022 - 18:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега