Заев со порака Ахмети: Со 15 пратеници премиер не се добива

Ќе ги слушнеме понудите и размислувањата на сите политички парии и врз основа на тоа ќе пресечеме како ќе разговараме, рече лидерот на СДСМ, Зоран Заев на денешната прес конференција по завршувањето на конститутивната седница на Собранието.

На граѓаните им треба сериозен пристап и премиер кој ќе се зафати да работи, а не да исполнува политички калкулации и било какви агенди, кажа Заев.

По однос на барањето за премиер Албанец, Заев рече:

„Не сме имале предрасуди за определбата за било кој кандидат за било која функција во државата, но секако, треба да се има и бројки за премиер. Со 15 пратеници премиер не се добива“, рече Заев.